ຂ່າວລາຍວັນ

ບໍ່ສັກວັກຊິນແລ້ວຕິດເຊື້ອໂຄວິດບໍ່ມີສິດໄດ້ຮັບການກວດ ແລະ ປິ່ນປົວ

ບໍ່ສັກວັກຊິນແລ້ວຕິດເຊື້ອໂຄວິດບໍ່ມີສິດໄດ້ຮັບການກວດ ແລະ ປິ່ນປົວ

ຂ່າວຕ່າງປະເທດລາຍງານ: ກະຊວງສາທາລະນະສຸກສິງກະໂປ ໄດ້ອອກຖະແຫຼງການໃນວັນທີ 10 ພະຈິກວ່າ: ຕະຫຼອດໄລຍະເວລາທີ່ຜ່ານມາ ລັດຖະບານສິງກະໂປ

ຮັບຜິດຊອບຄ່າໃຊ້ຈ່າຍທັງໝົດໃນການກວດ ແລະ ການປິ່ນປົວ ໂຄວິດ-19 ບໍ່ວ່າຄົນເຈັບຈະເປັນຄົນສິງກະໂປ ຫຼື ຄົນຕ່າງປະເທດ ທີ່ອາໄສຢູ່ຖາວອນໃນສິງກະໂປ ເພື່ອຫຼຸດຜ່ອນຄວາມບໍ່ແນ່ນອນທີ່ເກີດຈາກການລະບາດຂອງພະຍາດດັ່ງກ່າວ.
ປັດຈຸບັນ,

ການສັກຢາວັກຊິນປ້ອງກັນພະຍາດໂຄວິດ-19 ໃນປະເທດສິງກະໂປກວມ 85% ຂອງປະຊາກອນ, ແຕ່ເຖິງແມ່ນວ່າຜູ້ທີ່ໄດ້ຮັບການສັກຢາວັກຊິນຄົບໂດສແລ້ວກໍຍັງມີໂອກາດຕິດໂຄວິດ-19 ໄດ້.

ສະນັ້ນ ຖ້າປະຊາກອນກຸ່ມນີ້ຕ້ອງໄດ້ຮັບການກວດ ແລະ ປິ່ນປົວພະຍາດດັ່ງກ່າວ ລັດຖະບານຈະຍັງສືບຕໍ່ເປັນຜູ້ເບີ່ງແຍງຄ່າໃຊ້ຈ່າຍໃຫ້. ນັ້ນໝາຍຄວາມວ່າພວກເຂົາຈະໄດ້ຮັບການກວດ ແລະ ປິ່ນປົວໂດຍບໍ່ໄດ້ເສຍຄ່າ.

ສໍາລັບຂອງປະຊາຊົນຈໍານວນໜຶ່ງຊຶ່ງ ສະໝັກໃຈປະຕິເສດ ທີ່ຈະເຂົ້າຮັບການສັກວັກຊິນປ້ອງກັນໂຄວິດ-19 ດ້ວຍເຫດຜົນທີ່ບໍ່ກ່ຽວຂ້ອງກັບການແພດ ນັບແຕ່ວັນທີ 8 ທັນວາ 2021 ນີ້ເປັນຕົ້ນໄປ,

ຖ້າພວກເຂົາເຈັບປ່ວຍດ້ວຍ ພະຍາດໂຄວິດ-19 ເຖິງຂັ້ນຕ້ອງເຂົ້າໂຮງໝໍ ຫຼື ສະຖານພະຍາບານປະເພດໃດໆກໍຕາມ ບຸກຄົນນັ້ນຕ້ອງຮັບຜິດຊອບຄ່າໃຊ້ຈ່າຍປິ່ນປົວທັງໝົດເອງ.

ຍົກເວັ້ນແຕ່ຄົນເຈັບທີ່ຜົນພິສູດທາງການແພດຢືນຢັນວ່າ ພວກເຂົາເຈົ້າບໍ່ສາມາດຮັບວັກຊິນໄດ້. ລວມທັງເດັກນ້ອຍອາຍຸຕໍ່າກວ່າ 12 ປີ.

Related Articles

Leave a Reply

Your email address will not be published.

Back to top button