ຂ່າວລາຍວັນ

ທ່ານ ດຣ ຣັ ດ ຕະນະໄຊ ເພັດສຸວັນ

ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ລາຍງານໃນວັນທີ 3 ຕຸລາ 2021 ນີ້ວ່າ:

ປະຈຸບັນ ຄະນະສະເພາະກິດ ໄດ້ຮ່ວມມືກັບຄູ່ຮ່ວມງານສາກົນ ເຊັ່ນອົງການອະນາໄມໂລກ (WHO) ກໍາລັງກຽມຄວາມພ້ອມ ລວມທັງຂໍ້ແນະນໍາ ໃນການປິ່ນປົວ ສະເພາະບຸກຄົນຕິດເຊື້ອ ທີ່ບໍ່ມີອາການ ແລະ ຕິດຕາມຜູ້ຕິດເຊື້ອ ທີ່ມີຄວາມສາມາດດູແລຕົນເອງຢູ່ເຮືອນ ຫຼື ໂຮງແຮມ ຖ້າຫາກວ່າສະຖານະການມີຄວາມຮ້າຍແຮງກວ່ານີ້.

ທ່ານກ່າວຕື່ມອີກວ່າ: ໃນອາທິດຜ່ານມານີ້ ການຕິດເຊື້ອໃນຊຸມຊົນມີທ່າອ່ຽງເພີ່ມຂື້ນຢ່າງຫຼວງຫຼາຍ ເຮັດໃຫ້ແຕ່ລະວັນ ມີຜູ້ຕິດເຊື້ອທີ່ຕ້ອງໄດ້ຮັບການປິ່ນປົວຫຼາຍຮ້ອຍຄົນ.

ພວກເຮົາເຂົ້າໃຈເຖິງຄວາມກັງວົນ ຂອງປະຊາຊົນ ສໍາລັບສະຖານທີ່ປິ່ນປົວ ທີ່ອາດຈະບໍ່ພຽງພໍ ເນື່ອງຈາກການເພີ່ມຫຼາຍຂື້ນຂອງຜູ້ຕິດເຊື້ອຢ່າງຕໍ່ເນື່ອງ. ດ້ວຍຄວາມພະຍາຍາມ ຂອງຄະນະສະເພາະກິດ ຂໍໃຫ້ທຸກທ່ານຈົ່ງເຊື່ອໝັ້ນ ສະຖານທີ່ປິ່ນປົວ ຍັງຄົງມີພຽງພໍຕໍ່ການຮັບຄົນເຈັບເຂົ້າມາປິ່ນປົວ.

ປະຈຸບັນນີ້ ພວກເຮົາໄດ້ເປີດໂຮງໝໍສະໜາມອີກ 1 ແຫ່ງ ເອີ້ນວ່າ ໂຮງໝໍສະໜາມດາວເຮືອງ (ບໍລິເວນຂົວມິດຕະພາບ) ຊຶ່ງສາມາດຮອງຮັບຜູ້ຕິດເຊື້ອໄດ້ເຖິງ 800 ຄົນ.​

ນອກນັ້ນ ຍັງໄດ້ກະກຽມສະຖານທີ່ອື່ນເພີ່ມເຕີມ ເຊັ່ນ ສູນກິລາຫຼັກ 16 ແລະ ໂຮງຮຽນຝຶກອາຊີບຄົນພິການສີເກີດ ຊຶ່ງຄາດວ່າຈະຮອງຮັບໄດ້ອີກ 600 ຄົນ ແລະ ສະຖານທີ່ອື່ນທີ່ກໍາລັງກະກຽມຄວາມພ້ອມຢູ່.

ສໍາລັບການຂົນສົ່ງຄົນເຈັບນັ້ນ ພວກເຮົາກໍ່ໄດ້ມີຄວາມພະຍາຍາມນໍາສົ່ງຢ່າງໄວ ແຕ່ເນື່ອງດ້ວຍຜູ້ຕິດເຊື້ອຢູ່ກະແຈກກະຈາຍ

ຈຶ່ງເຮັດໃຫ້ຕ້ອງໃຊ້ເວລາພໍສົມຄວນ ໃນການສົ່ງແຕ່ລະຄົນ ແລະ ສະນັ້ນການຮັບສົ່ງຄົນເຈັບບາງທ່ານອາດເກີດຄວາມລ່າຊ້າ ແລະ ເຮັດໃຫ້ທ່ານເກີດຄວາມກັງວົນ.

Related Articles

Leave a Reply

Your email address will not be published. Required fields are marked *

Back to top button