ຂ່າວລາຍວັນ

ພົບເຊືີ້ອ ນັ ກ ໂ ທ ດເກືອບ 100 ຄົນ

ສະຫວັນນະເຂດ! ພົບນັກໂທດເກືອບ 100 ຄົນ ຕິດເຊື້ອໂຄວິດ ພາຍໃນເວລາ 3 ມື້

“ສາຍເຫດທີ່ເຮັດໃຫ້ມີນັກໂທດຕິດເຊື້ອດັ່ງກ່າວເນື່ອງຈາກມີເຈົ້າໜ້າກ່ຽວຂ້ອງທີ່ຮັບຜິດຊອບຄ້າຍຄຸ້ມຂັງຕິດເຊື້ອພະຍາດໂຄວິດ-19 ຈາກພາຍນອກເຊີ່ງຜູ້ກ່ຽວບໍ່ຮູ້ສຶກໂຕມາກ່ອນ ແລະ ໄດ້ໄປສັກວັກຊີນປ້ອງກັນພະຍາດໂຄວິດ-19 ໃນວັນທີ 9 ສິງຫາ 2021 ຕໍ່ມາຮູ້ສຶກປວດຕົນໂຕໃນວັນທີ 10 ສິງຫາ, ຈາກນັ້ນ ວັນທີ 11 ສິງຫາ ໄດ້ໄປກວດຫາເຊື້ອພະຍາດໂຄວິດ-19, ຜົນອອກມາໃນວັນທີ 12 ສິງຫາ ແມ່ນເປັນບວກ ຫລື ຕິດເຊື້ອພະຍາດໂຄວິດ-19 ເຮັດໃຫ້ກ່ອນໜ້ານີ້ມີນັກ ໂທດຫລາຍຄົນແລ້ວທີ່ຕິດເຊື້ອນໍາຜູ້ກ່ຽວ” ກ່າວໂດຍ ທ່ານ ນາງ ຫລິງທອງ ແສງຕາວັນ ຮອງເຈົ້າແຂວງສະຫວັນນະເຂດ, ທັງເປັນຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ແຂວງສະຫວັນນະເຂດ

ຕໍ່ສະພາບທີ່ເກີດຂຶ້ນ, ຄະນະສະເພາະກິດຂອງແຂວງ ໄດ້ມີວິທີແກ້ໄຂດ້ວຍການສ້າງສູນກັກກັນ ແລະ ປິ່ນປົວນັກ ໂທດທີ່ຕິດເຊື້ອພະຍາດໂຄວິດ-19 ພາຍໃນຄ້າຍຄຸ້ມຂັງຂຶ້ນ ແລ້ວແຍກຜູ້ບໍ່ທັນຕິດເຊື້ອອອກໄປໄວ້ສະເພາະໂດຍມີເຈົ້າໜ້າທີ່ກ່ຽວຂ້ອງຕິດຕາມພ້ອມທັງເກັບຕົວຢ່າງເພື່ອໄປວິເຄາະຫາເຊື້ອພະຍາດໂຄວິດ-19, ລວມເຖີງປະຕິບັດມາດຕະການຕ່າງໆ ຢູ່ພາຍໃນຄ້າຍຄຸມຂັງຢ່າງເຂັ້ມງວດເພື່ອປ້ອງກັນ ແລະ ຄວບຄຸມການລະ ບາດຂອງພະຍາດດັ່ງກ່າວໃຫ້ໄດ້ໂດຍໄວ

ທັງນີ້, ພຽງ 3 ວັນຜ່ານມາ ມີນັກໂທດພາຍໃນຄ້າຍຄຸ້ມຂັງຢູ່ແຂວງສະຫວັນນະເຂດ ຕິດເຊື້ອພະຍາດໂຄວິດ-19 ທັງ ໝົດ 95 ຄົນ, ໃນນີ້ ກວດພົບໃນວັນທີ 17 ສິງຫາ 30 ຄົນ, ວັນທີ 18 ສິງຫາ 17 ຄົນ ແລະ ກວດພົບໃນວັນທີ 19 ສິງ ຫາ 48 ຄົນ.

ທີ່ມາ: Lao National Radio

Related Articles

Leave a Reply

Your email address will not be published. Required fields are marked *

Back to top button

You cannot copy content of this page

Don`t copy text!
error: Alert: Content is protected !!