ຂ່າວລາຍວັນ

ເກມ POPCAT ກາຍເປັນກະແສໃໝ່ມາແຮງໃນອອນລາຍ ລະວັງອຸປະກອນເສື່ອມສະພາບກ່ອນອາຍຸ

ໄລຍະສອງສາມວັນມານີ້ ເກມ POPCAT ໄດ້ກາຍເປັນເກມທີ່ມາແຮງແຊງທຸກຢ່າງໃນໂລກອອນລາຍ ໂດຍມີຮູບແມວ ເປັນສັນຍະລັກ ແລະ ມີການນັບຈາກການກົດໃຫ້ແມວອ້າປາກ.

ກ່ອນໜ້ານີ້ ແມວໂຕດັ່ງກ່າວມີຊື່ວ່າ Oatmeal ເຈົ້າຂອງຖ່າຍລົງໃນ Twitter ເພື່ອຄວາມບັນເທີງ ແລະ ຖືກນຳໄປຕັດຕໍ່ໃຫ້ເປັນແມວອ້າປາກກວ້າງ ເປັນຮູບໂຕ “O” ຈົນກາຍເປັນກະແສໃນໂລອອນລາຍກ່ອນຈະພັດທະນາຂຶ້ນມາເປັນເກມ.

ກະແສແມວ Oatmeal ອ້າປາກ ຖືກພັດທະນາໃຫ້ເປັນເກມໃນເວັບໄຊ ເມື່ອເດືອນກຸມພາ 2021 ວິທີການຫລິ້ນ ພຽງແຕ່ກົດໜ້າຈໍໃຫ້ແມວອ້າປາກກໍຈະຖືກນັບສະຖິຕິ ແລະ ມີການຈັດອັນດັບ Leaderboard ຈາກ 207 ປະເທດທົ່ວໂລກ.

ນັບແຕ່ມີການເປີດໃຫ້ຫລິ້ນເມື່ອຕົ້ນປີຜ່ານມານັ້ນ ປະເທດຟິນແລນເປັນອັນດັບ 1 ຂອງ Leaderboard ຄອງຕຳແໜ່ງນີ້ຕະຫຼອດມາ, ຮອດວັນທີ 12 ສິງຫາ 2021 ໄຕ້ຫວັນພຸ່ງຂຶ້ນທຳລາຍສະຖິຕິ ເປັນອັນດັບ 1 ແລະ ວັນທີ 16.8.2021 ປະເທດໄທໄດ້ຂຶ້ນຄອງຕຳແໜ່ງອັນດັບ 1 ເຊິ່ງມາເຖິງວັນທີ 16 ສິງຫາ ຍັງບໍ່ມີປະເທດໃດທຳລາຍສະຖິຕິໄດ້ເທື່ອ.

– Wave100S AD to Website 2020 0 – ເກມ POPCAT ກາຍເປັນກະແສໃໝ່ມາແຮງໃນອອນລາຍ ລະວັງອຸປະກອນເສື່ອມສະພາບກ່ອນອາຍຸ
ສ່ວນ ສປປ ລາວ ມີຍອດຄະແນນຈາກ ອັນດັບທີ 26 ວັນທີ 14 ສິງຫາ ແລະ ອັນດັບທີ 17 ວັນທີ 15 ສິງຫາ ປັດຈຸບັນມີຄະແນນລວມ 710 ລ້ານກວ່າຄັ້ງ ຈັດຢູ່ອັນດັບທີ 14 ຂອງໂລກ.

ຫລາຍຄົນມອງວ່າການກົດໃຫ້ໄດ້ຄະແນນຫລາຍໆ ອາດເຮັດໃຫ້ຊາວໂລກຮູ້ຈັກປະເທດລາວຫລາຍຂຶ້ນ ເຊິ່ງມັນໝາຍເຖິງການສ້າງໃຫ້ປະເທດຕ່າງໆຫັນມາສົນໃຈລາວເຮົາ ແລ້ວຊອກຮູ້ຫາຂໍ້ມູນເພີ່ມ ແຕ່ໃນຂະນະດຽວກັນກໍອາດເປັນກະແສກົງກັນຂ້າມ ເລື່ອງການມອງວ່າປະເທດລາວເຮົາມີເວລາວ່າງ ແລະ ເມົາມົວແຕ່ກົດໜ້າຈໍຫລາຍ ຖ້າທຽບໃສ່ຈຳນວນພົນ ກັບຄະແນນທີ່ອອກມາ ແລະ ຝາກເຖິງທ່ານທັງຫລາຍທີ່ພວມນຳກະແສ ຕ້ອງຄຳນຶງເຖິງອຸປະກອນຂອງທ່ານ ເພາະຫາກເຮົາກົດຫລາຍໆຄັ້ງ ນັ້ນໝາຍເຖິງການໃຊ້ງານໜ້າຈໍຂອງທ່ານດ້ວຍ ອາດເຮັດໃຫ້ອຸປະກອນທີ່ທ່ານໃຊ້ໃນກົດສະສົມຄະແນນນັ້ນເສື່ອມສະພາບລົງໄປດ້ວຍ.
ລິ່້ງ: https://popcat.click/

Related Articles

Leave a Reply

Your email address will not be published. Required fields are marked *

Back to top button

You cannot copy content of this page

Don`t copy text!
error: Alert: Content is protected !!