ຂ່າວດ່ວນ! ຄົນ ຕິ ດ ເ ຊື້ ອເສຍຊີວິດ ອີກ 1 ຄົນ
😭RIP ອີຕົນທັງແມ່ ແລະ ລູກໃນທ້ອງຂໍໃຫ້ຂຶ້ນສະຫວັນເດີ ເສຍຊີວິດ ອີກ 1 ຄົນຜູ້ຕິດເຊື້ອ ໂຄວິດ ທີ່ປາກເຊ ວັນທີ 11 ສິງຫາ 2021ຜູ້ເສຍຊີວິດ ເພດຍິງ, ເຊິ່ງເປັນຄົນເຈັບຕິດເຊື້ອ ໂຄວິດ-19ເພດຍິງ ອາຍຸ 28 ປີ ຖືພາໄດ້ 5 ເດືອນແຮງງານກັບມາແຕ່ປະເທດໄທ! ຄົນບ້ານສົມໂຮງ ເມືອງໂຂງ ແຂວງຈໍາປາສັກສາມາດຕິດຕາມພວກເຮົາໄດ້ທີ
ບ່າຍວັນທີ 11 ສິງຫາ 2021
ລາຍງານຈາກ ອາສາສະໝັກ 1623 ແຂວງຈໍາປາສັກ ໃຫ້ຮູ້ວ່າ, ມື້ນີ້ທີມງານໄດ້ຮັບແຈ້ງຈາກ ຄະນະສະເພາະກິດ ໃຫ້ຊ່ວຍ ຊາປະນະກິດ ຜູ້ເສຍຊີວິດ ເພດຍິງ, ເຊິ່ງເປັນຄົນເຈັບຕິດເຊື້ອ ໂຄວິດ
ລາຍລະອຽດ ເພີ່ມເຕີມ ຈະມີການຖະແຫຼງຂ່າວ ຈາກຄະນະສະເພາະກິດ ແຂວງຈໍາປາສັກ ໃນໄວໆນີ້
ຈາກການຖະແຫຼງຂ່າວຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ປະຈຳວັນທີ 12 ສິງຫາ 2021 ໂດຍ ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ກ່າວວ່າ:
ປະຫວັດຜູ້ເສຊີວິດຈາກການຕິດເຊື້ອພະຍາດໂຄວິດໃນວັນທີ 11 ສິງຫາ ຜ່ານມາ 1 ກໍລະນີ ຢູ່ແຂວງຈຳປາສັກ ໂດຍມີລາຍລະອຽດດັ່ງນີ້
ເປັນເພດຍິງ, ອາຍຸ 28 ປີ, ອາຊີບກຳມະກອນ, ບ້ານສົ້ມໂຮງ, ເມືອງໂຂງ, ແຂວງຈຳປາສັກ ເຊິ່ງເປັນແຮງງານທີ່ກັບມາຈາກປະເທດໄທ, ຜູ້ກ່ຽວຖືພາ ອາຍຸຄັນ 5 ເດືອນ ໂດຍປະຫວັດການເຄື່ອນໄຫວ: ວັນທີ 17 ກໍລະກົດ 2021 ຜູ້ກ່ຽວມາຮອດຊາຍແດນວັງເຕົ່າຊ່ອງເມັກ ແລະ ໄດ້ເກັບຕົວຢ່າງຢູ່ດ່ານ ແລະ ນຳສົ່ງໄປສູນຈຳກັດບໍລິເວນ.
ວັນທີ 19 ກໍລະກົດ 2021 ຜົນກວດວິເຄາະພົບເຊື້ອ COVID-19 ຈຶ່ງນໍາສົ່ງເຂົ້າສະຖານທີ່ປິ່ນປົວທີ່ກຳນົດໄວ້, ວັນທີ 1 ສິງຫາ 2021 ເລີ່ມມີອາການໄຂ້, ໄອ ແລະ ຫາຍໃຈຝຶດ, ອາການຂອງຜູ້ກ່ຽວ ຊຸດໂຊມລົງເລື້ອຍໆ ຈາກການສ່ອງລັງສີປອດ ເຫັນວ່າເນື້ອປອດ ຖືກທຳລາຍຢ່າງຮູນແຮງທັງສອງຂ້າງ, ໜ້າທີ່ການຂອງຕັບຖືກທຳລາຍ ບົ່ງບອກເຖິງການຕິດເຊື້ອຢ່າງຮຸນແຮງ, ແພດໝໍ, ພະຍາບານ ໄດ້ຕິດຕາມການປິ່ນປົວຢ່າງໃກ້ຊິດ ແຕ່ອາການຜູ້ກ່ຽວບໍ່ດີຂຶ້ນ ມີແຕ່ໜັກໄປໜ້າເລື້ອຍໆ.
ໃນວັນທີ 8 ສິງຫາ 2021 ລູກໃນທ້ອງບໍ່ເໜັງຕິີງ, ວັນທີ 10 ສິງຫາ 2021 ຜູ້ກ່ຽວອິດເມື່ອຍຫຼາຍ, ຄວາມດັນເລືອດຕ່ຳ ແພດໝໍ ແລະ ພະຍາບານ ໄດ້ສູມທຸກກຳລັງຊ່ວຍຜູ້ກ່ຽວຢ່າງສຸດຄວາມສາມາດ ຈົນຮອດເວລາ 6 ໂມງເຊົ້າຂອງວັນທີ 11 ສິງຫາ 2021 ຜູ້ກ່ຽວໄດ້ເສຍຊີວິດລົງ.
