ຂ່າວລາຍວັນ

ຊົມເຊີຍ!.. ຫວຽດນາມ​ ມາຊ່ວຍລາວ ອີກແລ້ວ

ພາກພູມໃຈ “ເຊົ້າວັນນີ້04 ພຶດສະພາ 2021 ສະໜາມບິນສາກົນວັດໄຕ ນະຄອນຫຼວງວຽງຈັນ, ໄດ້ມີພິທີມອບການຊ່ວຍເຫຼືອຈາກພັກ ລັດຖະບານ ແລະ ປະຊາຊົນແຫ່ງ ສສຫວຽດນາມ ໃຫ້ແກ່ພັກ ລັດຖະບານ ແລະ ປະຊາຊົນລາວ ເພື່ອຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ຮອບໃໝ່ ຢູ່ ສປປລາວ.”

1. ການຊ່ວຍເຫຼືອໃນຄັ້ງນີ້, ປະກອບມີເງິນສົດຈໍານວນ 500.000 ໂດລາສະຫະລັດ, ທີມແພດຊ່ຽວຊານຈໍານວນ 35 ສະຫາຍ ພ້ອມດ້ວຍອຸປະກອນການແພດຈໍານວນໜຶ່ງເຊັ່ນ: ເຄື່ອງຊ່ວຍຫາຍໃຈ ຈຳນວນ 200 ເຄື່ອງ, ທາດຂ້າເຊື້ອພະຍາດ (Chloramine) ຈຳນວນ 10.000 ກິໂລ, ໜ້າກາກອະນາໄມ ຈໍານວນ 02 ລ້ານແຜ່ນ ແລະ ອື່ນໆ,

2. ເປັນຕົວແທນຕາງໜ້າກ່າວມອບໂດຍ ສະຫາຍ ໂຕແອັງຢຸງ, ຮອງລັດຖະມົນຕີກະຊວງການຕ່າງປະເທດແຫ່ງ ສສ ຫວຽດນາມ ແລະ ຕາງໜ້າລັດຖະບານລາວ ກ່າວຮັບໂດຍ ສະຫາຍ ກິແກ້ວ ໄຂຄໍາພິທູນ, ຮອງນາຍົກລັດຖະມົນຕີແຫ່ງ ສປປ ລາວ ເຊີ່ງມີຄະນະນໍາບັນດາກະຊວງ ແລະ ພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມຢ່າງພ້ອມພຽງ,

3. ໂອກາດດັ່ງກ່າວ, ສະຫາຍ ກິແກ້ວ ໄຂຄໍາພິທູນ ກໍ່ໄດ້ຕາງໜ້າໃຫ້ພັກ-ລັດຖະບານ ແລະ ປະຊາຊົນລາວ ສະແດງຄວາມຂອບໃຈເປັນຢ່າງສູງ ໂດຍຜ່ານ ສະຫາຍ ຮອງລັດຖະມົນຕີກະຊວງການຕ່າງປະເທດ ໂຕແອັງຢຸງ ໄປຍັງພັກ-ລັດຖະບານ ແລະ ປະຊາຊົນຫວຽດນາມ ອ້າຍນ້ອງ ທີ່ເວລາໃດກໍ່ມີຄວາມເປັນຫ່ວງເປັນໄຍ ແລະ ໃຫ້ການຊ່ວຍເຫຼືອອັນລໍ້າຄ່າແກ່ ພັກ-ລັດຖະບານ ແລະ ປະຊາຊົນລາວ ມາຕະຫລອດ,

4. ການຊ່ວຍເຫຼືອໃນຄັ້ງນີ້, ໄດ້ປະກອບສ່ວນອັນສໍາຄັນສ້າງຂວັນກໍາລັງໃຈອັນໃຫຍ່ຫຼວງ ແລະ ເພີ່ມກໍາລັງແຮງ ໃຫ້ແກ່ບັນດາແພດໝໍຂອງລາວ ທີ່ມີຈຳນວນຈຳກັດທີ່ກໍາລັງເຮັດວຽກແຂ່ງຂັນກັບເວລາ ເພື່ອເບິ່ງແຍງປິ່ນປົວຜູ້ຕິດເຊື້ອທີ່ມີຈຳນວນເພີ່ມຂຶ້ນຫຼາຍໃນທຸກມື້,

5. ພ້ອມນີ້, ກໍ່ຈະເປັນຂວັນກໍາລັງໃຈອັນປະເສີດ ແກ່ຄົນເຈັບຜູ້ທີ່ກຳລັງປິ່ນປົວຢູ່ໃນໂຮງໝໍຕ່າງໆໃນຂອບເຂດທົ່ວປະເທດ ແລະ ສິ່ງເຫຼົ່ານີ້, ເປັນການສະແດງເຖິງນໍ້າໃຈເອື້ອເຟື້ອເພື່ອແຜ່ຂອງສະຫາຍຫວຽດນາມອ້າຍນ້ອງ, ສະແດງເຖິງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ ແລະ ຫວຽດນາມໃຫ້ນັບມື້ນັບແຕກດອກອອກຜົນຍິ່ງໆຂຶ້ນ,

6. ກ່ອນໜ້ານີ້, ໃນປີ 2020 ສປປລາວ ກໍ່ໄດ້ຮັບການຊ່ວຍເຫລືອຈາກສະຫາຍຫວຽດນາມມາແລ້ວ ເຊິ່ງເປັນການຊ່ວຍເຫລືອທີ່ທັນການ ແລະ ມີປະສິດທິຜົນທີ່ສຸດ ຊ່ວຍໃຫ້ ສປປ ລາວ ສາມາດຄວບຄຸມການແຜ່ລະບາດ ຂອງເຊື້ອພະຍາດໂຄວິດ-19 ໄດ້ໃນໄລຍະຜ່ານມາ.

#ທີ່ມາລາຍງານສົດ https://www.facebook.com/watch/?v=839149310010087

#ກົດຖຶກໃຈແລ້ວໄປຕິດຕາມ

Related Articles

Leave a Reply

Your email address will not be published. Required fields are marked *

Back to top button

You cannot copy content of this page

Don`t copy text!
error: Alert: Content is protected !!