ຂ່າວລາຍວັນ

ໃຫ້ກັບປະຊາກອນໃນເຂດຫ່າງໄກສອກຫຼີກທີ່ເຂົ້າເຖິງຍາກ

ວັກຊິນຈອນສັນແອນຈອນສັນ ຈະສັກໃຫ້ກັບປະຊາກອນໃນເຂດ​ຫ່າງໄກສອກຫຼີກ​ທີ່ເຂົ້າເຖິງຍາກ

ທ່ານ ວີສິດ ຄຳລືຊາ ຫົວໜ້າສູນສື່ສານເພື່ອສຸຂະພາບ ແລະ ສຸຂະສຶກສາ​ ກະຊວງສາທາລະນະສຸກໃຫ້ຮູ້ວ່າ: ຢາວັກຊິນຈອນສັນ ແອນ ຈອນສັນ (Johnson&Johnson/Janssen (J&J/Janssen) ຈຳນວນ 1.008.000 ໂດສ ຈາກການຊ່ວຍເຫຼືອຂອງລັດຖະບານສະຫະລັດອາເມຣິກາຈະມາຮອດ ສປປ ລາວ ໃນວັນທີ 16 ກໍລະກົດນີ້.

ການຊ່ວຍເຫຼືອໃນຄັ້ງນີ້, ເປັນສ່ວນໜຶ່ງຂອງການປະກອບສ່ວນຂອງສະຫະລັດອາເມຣິກາ ຕໍ່ຄວາມພະຍາຍາມຂອງທົ່ວໂລກເພື່ອຢຸດຕິ​ການລະບາດຂອງພະຍາດໂຄວິ ດ, ວັກຊິນຊະນິດນີ້ຕ້ອງສັກຄັ້ງດຽວ ຫຼື ເຂັມດຽວເທົ່ານັ້ນ ແລະ ຈະສະໜອງການປ້ອງກັນເຊື້ອໄວຣັດໃຫ້ແກ່ປະຊາຊົນ 1 ລ້ານກວ່າຄົນ ຄາດວ່າຈະກວມໄດ້ສ່ວນໜຶ່ງໃນຈຳນວນປະຊາກອນທັງໝົດປະມານ 7 ລ້ານຄົນ.
ທ່ານກ່າວໃຫ້ຮູ້ອີກວ່າ:

ລັດຖະບານຈະນຳໃຊ້ວັກຊີນ J&J ກັບກຸ່ມທີ່ເປັນບຸລິມະສິດໃນຂົງເຂດທົ່ວປະເທດໂດຍສະເພາະໃນເຂດ​ຫ່າງໄກສອກຫຼີກ ແລະ ເຂດ​ທີ່ເຂົ້າເຖິງຍາກ​, ໂດຍອີງຕາມແຜນປະຕິບັດການສັກວັກຊິນກັນພະຍາດໂຄວິດ-19 ແຫ່ງຊາດ (NDVP), ວັກຊິນ J & J ແລະ AstraZeneca ແມ່ນຈະສຸມໃສ່ບໍລິການສັ​ກໃຫ້ກັບຄົນທີ່ມີອາຍຸ 60 ປີຂຶ້ນໄປ ເເລະ ຄົນທີ່ມີພະຍາດປະຈໍາຕົວ​​ເຊັ່ນ: ພະຍາດເບົາຫວານ, ພະຍາດລະບົບຫາຍໃຈ, ມະເຮັງ, ໂລກອ້ວນ ເເລະ ອື່ນໆ,

ວັກຊີນ AstraZeneca ຊຸດທີສອງຈໍານວນ 132.000 ໂດສ ຈະມາຮອດ ສປປ ລາວ ໃນທ້າຍເດືອນກໍລະກົດ ຫຼື ຕົ້ນເດືອນສິງຫານີ້ ຊຶ່ງວັກຊິນເຫຼົ່ານີ້ເເມ່ນຈະໃຊ້ກັບພະນັກງານສາທາລະນະສຸກເຊັ່ນດຽວກັນ, ວັກຊິນ J&J ເເມ່ນຈະສຸມໃຊ້ກັບປະຊາກອນໃນເຂດ​ຫ່າງໄກສອກຫຼີກ ແລະ ເຂດ​ທີ່ເຂົ້າເຖິງຍາກ. ສຳລັບວັກຊິນ AstraZeneca ແມ່ນຈະສຸມໃສ່ບໍລິການສັກໃຫ້ກັບປະຊາຊົນໃນໂຮງໝໍຫຼັກໆທົ່ວປະເທດ. ພາຍຫຼັງກຸ່ມເປົ້າໝາຍບຸລິມະສິດໄດ້ຮັບການສັກວັກຊິນແລ້ວແມ່ນຈະດຳເນີນການສັກວັກຊິນໃຫ້ກັບກຸ່ມຄົນອື່ນໆ ທີ່ບໍ່ທັນໄດ້ຮັບວັກຊິນຊະນິດໃດມາກ່ອນ.

ວັກຊິນໂຄວິດ ຈາກສະຫະພັນໂຄແວັກ ແລະ ວັກຊີນຊຸດໃໝ່ຈາກການຊ່ວຍເຫຼືອຂອງລັດຖະບານ ແລະ ປະຊາຊົນສະຫະລັດອາເມຣິກາ ຜ່ານສະຫະພັນໂຄແວັກ ຊຶ່ງໂຄງການໂຄແວັກແມ່ນນຳພາໂດຍອົງ ການພັນທະມິດຮ່ວມມືດ້ານນະວັດຕະສວຍການຢູນິເຊັບ (UNICEF),

ການທີ່ວັກຊິນຈາກໂຄງການໂຄແວັກໄດ້ມາຮອດ ສປປ ລາວ ແລ້ວນັ້ນ ຖືເປັນຂີດໝາຍອັນສໍາຄັນສຳລັບປະເທດໃນການຮັບມືກັບພະຍາດໂຄວິດ ແລະ ເປົ້າໝາຍຂອງໂຄງການໂຄແວັກໃນການຮັບປະກັນ ການເຂົ້າເຖິງການສັກວັກຊິນໃນທົ່ວໂລກ.

Related Articles

Leave a Reply

Your email address will not be published. Required fields are marked *

Back to top button

You cannot copy content of this page

Don`t copy text!
error: Alert: Content is protected !!