ຂ່າວລາຍວັນ

ສຶກສາອົບຮົມປະຊາຊົນລັກລອບຕັດໄມ້ເຂດປ່າສະຫງວນແຫ່ງຊາດ ດົງເຊປຽນ “ຮູ້ເທົ່າບໍ່ເຖິງການ”

ໃນວັນທີ 6 ມິຖຸນາ 2021ນີ້ ເຈົ້າໜ້າທີ່ໜ່ວຍສະເພາະກິດຂອງກອງບັນຊາການທະຫານແຂວງຈຳປາສັກແກ້ໄຂການລັກລອບຕັດໄມ້ ເຂດປ່າສະຫງວນແຫ່ງຊາດ ດົງເຊປຽນ ແລະ ມອບລົດຕັອກໆຄືນແກ່ພໍ່ແມ່ປະຊາຊົນ ເຊິ່ງກອງບັນຊາການທະຫານເມືອງປະທຸມພອນ ຢຶດມາແຕ່ວັນທີ 12 ພຶດສະພາ 2021 ປະກອບມີພາຫະນະ ປະເພດລົດໄຖ 38 ຄັນ ເຄື່ອງມືຕັດໄມ້ (ຈັກສະຕິງ) ພ້ອມທັງໄມ້ທີ່ຖືກຕັດຈຳນວນໜຶ່ງ.

ເຈົ້າໜ້າທີ່ໄດ້ມີການສຶກສາອົບຮົມ ໂດຍໄດ້ຊີ້ໃຫ້ເຫັນເຖິງຜົນການກະທຳຜິດຕໍ່ກົດໝາຍຂອງບ້ານເມືອງ, ຍົກໃຫ້ເຫັນເຖິງຄວາມສຳຄັນຂອງປ່າໄມ້ ແລະ ຄວາມໝາຍຂອງປ່າສະຫງວນແຫ່ງຊາດ, ບັນຫາດາເລ່ລ່ຽມກົດອຸບາຍຂອງອິດທິກຳລັງທີ່ບໍ່ຫວັງດີທີ່ຈະເປັນກຳລັງໜໍ່ແໜງກໍ່ໃຫ້ສະພາບທ້ອງຖິ່ນບໍ່ມີຄວາມສະຫງົບ,

ເປັນຕົ້ນກຸ່ມຄົນທີ່ຍຸຍົງສົ່ງເສີມໃຫ້ມີການກະທຳຜິດຕໍ່ລະບຽບກົດໝາຍຄື: ຄ້າຂາຍເຖື່ອນ,ຄ້າຂາຍຢາເສບຕິດ ຫຼື ເສບຢາເສບຕິດ

ລວມເຖິງການຕັດໄມ້ຕັດໄມ້ທຳລາຍປ່າ, ເຊິ່ງການລັກລອບຕັດໄມ້ທຳລາຍປ່າຄັ້ງນີ້ ກໍຍ້ອນຄວາມຮູ້ເທົ່າບໍ່ເຖິງການ ແລະ ຂາດສະຕິ ຂອງພໍ່ແມ່ປະຊາຊົນດັ່ງກ່າວ ພ້ອມໄດ້ເຮັດບົດບັນທຶກ, ຢຶດໄມ້ ແລະ ເຄື່ອງມີຕັດໄມ້ໄວ້ເປັນຂອງກາງ ສ່ວນພາຫະນະລົດໄຖ ນັ້ນໄດ້ມີການສົ່ງຄືນ ເພື່ອນຳໄປປະກອບເຂົ້າໃນວຽກງານກະສິກຳທີ່ຈຳເປັນ.

Related Articles

Leave a Reply

Your email address will not be published. Required fields are marked *

Back to top button

You cannot copy content of this page

Don`t copy text!
error: Alert: Content is protected !!