ຂ່າວລາຍວັນ

ລາວ ຍັງມີຫຼາຍພື້ນທີ່ ທີ່ກາຍເປັນຈຸດສ່ຽງຕໍ່ຜົນກະທົບຈາກລະເ ບີ ດບໍ່ທັນແຕກ

ລາວ ຍັງມີຫຼາຍພື້ນທີ່ ທີ່ກາຍເປັນຈຸດສ່ຽງຕໍ່ຜົນກະທົບຈາກລະເ ບີ ດບໍ່ທັນແຕກ

ຈາກເຫດການທີ່ປະຊາຊົນພາຍໃນບ້ານອຸດົມສຸກ ເມືອງນາກາຍ ແຂວງຄຳມ່ວນ, ພົບລູກລະເບີດທີ່ຕົກຄ້າງ ເປັນບົມໃຫຍ່ 500 ປອນ, ຢູ່ໃນດິນຂອງປະຊາຊົນເອງ ແລະ ກໍເຊື່ອແນ່ວ່າບໍ່ສະເພາະແຕ່ເຂດບ້ານດັ່ງກ່າວນີ້ເທົ່ານັ້ນ ທີ່ຍັງມີລູກລະເບີດທີ່ບໍ່ທັນແຕກຕົກຄ້າງຢູ່.

ໃນທ້າຍເດືອນທັນວາທີ່ຜ່ານມາ ມີປະຊາຊົນ ບ້ານອຸດົມສຸກ ເມືອງນາກາຍ ແຂວງຄຳມ່ວນ ຊື່ແມ່ ຄຳບາງ ກຸນທະຈັນ ອາຍຸ 71 ປີ ໄດ້ຂຸດດີນຫຼັງບ້ານ ເພື່ອຈະສ້າງເປັນຫ້ອງນ້ຳໃໝ່ ເຊິ່ງຫ່າງຈາກເຮືອນປະມານ 3 ແມັດ ໄດ້ພົບເຫັນ ລະເບີດບໍ່ທັນແຕກ ຈຶ່ງໄດ້ລາຍງານຕໍ່ອຳນາດການປົກຄອງເມືອງນາກາຍ.

ດັ່ງນັ້ນ, ອຳນາດການປົກຄອງເມືອງ ແລະ ເຈົ້າຂອງເຮືອນ ຈຶ່ງແຈ້ງໃຫ້ ຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງ ຢູ່ ສປປລາວ (ຫຄຊກລ) ຊ່ວຍກວດກູ້ ລບຕ ອອກໃຫ້ຈາກພື້ນທີ່ດັ່ງກ່າວ.

ເຊິ່ງຫ້ອງການ ຄຊກລ ປະສານກັບກອງກວດກູ້ລະເບີດເພື່ອມະນຸດສະທຳ 58 ກອງທັບ ຈຶ່ງໄດ້ວາງແຜນການສຳຫຼວດ ແລະ ເຄື່ອນຍ້າຍບົມໃຫຍ່ 500 ປອນ (Bomb 500lb MK82)

ໃນລະຫວ່າງ ວັນທີ 20-26 ທັນວາ 2021 ອອກຈາກເຮືອນປະຊາຊົນ ໄປສະໜາມທໍາລາຍ ທີ່ໄດ້ກໍານົດເອົາສະໜາມຍິງປືນຂອງກອງບັນຊາການທະຫານເມືອງນາກາຍ ເປັນສະໜາມກະກຽມທຳລາຍບົມໃຫຍ່ດັ່ງກ່າວ.

Related Articles

Leave a Reply

Your email address will not be published.

Back to top button